भक्तपुर नगरपालिका, नेपाल सरकार संस्कृति तथा नागरिक उड्डयन मन्त्रालय, चिनियाँ राजदूतावास र पर्यटन बोर्डको संयुक्त आयोजनामा ‘नेपाल भ्रमण वर्ष २०२५’ को घोषणा तथा ‘चिनियाँ नयाँ वर्ष २०२५’ को शुभारम्भ कार्यक्रम शनिबार भक्तपुरको दरबार क्षेत्रमा एक भव्य समारोहबीच सम्पन्न भयो ।
कार्यक्रमका प्रमुख अतिथि नेपाल सरकार ऊर्जा, जल तथा सिंचाइ मन्त्री दिपक खड्का, नेपालका लागि चिनियाँ राजदूत छन सङ, भक्तपुर नगरपालिकाका प्रमुख सुनिल प्रजापति, उपप्रमुख रजनी जोशी र नेपाल टुरिजम बोर्डका सीईओ दिपकराज जोशीले संयुक्त रुपमा चिनियाँ नयाँ वर्षको लोगो अनावरण गर्नुका साथै नेपाल भ्रमण वर्ष २०२५ को औपचारिक ब्यानर अनावरण गरी महोत्सव शुभारम्भ गर्नुभयो ।

नगर प्रमुख प्रजापतिसँग प्रहरी अतिरिक्त महानिरीक्षक श्याम ज्ञवालीको भेट

२०८० वैशाख १३ गते, बुधबार

भक्तपुर नगरपालिकाका प्रमुख सुनिल प्रजापतिसँग उपत्यका प्रहरी कार्यालय, रानीपोखरीका प्रहरी अतिरिक्त महानिरीक्षक श्याम ज्ञवालीले बुधबार शिष्टाचार भेट गर्नुभयो ।

महानगरीय प्रहरी परिसर भक्तपुरको औपचारिक निरीक्षणको क्रममा भक्तपुर पुग्नुभएका ज्ञवालीले नगर प्रमुख प्रजापतिसँग भेट गर्नुभएको हो ।

भेटमा भक्तपुर नपाका उपप्रमुख राजनी जोशी, भक्तपुर नपा वडा नं. ७ का वडाध्यक्ष उकेश कवां, प्र.व.उ. ओमबहादुर राना, भक्तपुरका प्रउ प्रजित केसी, प्रनाउ रबिन श्रेष्ठ, प्रनाउ राजकुमार श्रेष्ठ र ट्राफिक प्रहरी निरीक्षक राजु कार्कीको पनि उपस्थिति रहेको थियो ।

नेपाल मजदुर किसान पार्टीका अध्यक्ष एवम् नेपालका वरिष्ठ राजनीतिज्ञ नारायणमान बिजुक्छेँ (रोहित)ले भक्तपुर नगरपालिकाद्वारा जीर्णोद्धार गरिएको भक्तपुर नगरपालिका वडा नं. १ सल्लाघारीस्थित न्हू पुखू (रानीपोखरी)को पानसमा द्वीप प्रज्ज्वलन तथा रिबन काटेर उद्घाटन गर्नुभयो ।

भक्तपुर लायकु (दरबार)क्षेत्रमा प्रदर्शित विभिन्न परम्परागत सांस्कृतिक विधाहरुको प्रदर्शनीको क्रममा देखाइएको माक प्याखँ (बाँदर नाच)

भक्तपुर लायकु (दरबार)क्षेत्रमा प्रदर्शित विभिन्न परम्परागत सांस्कृतिक विधाहरुको प्रदर्शनीको क्रममा देखाइएको सिंह नाच